عشانك يابا .......... كلمات علاء الدين عبدالرحيم

كلمات : ﻋﻼﺀ ﺍﻟﺪﻳﻦ ﻋﺒﺪ ﺍﻟﺮﺣﻴﻢ ، ﻭﺑﺎﻟﻤﻨﺎﺳﺒﺔ ﻋﻼﺀ ﻫﻮ ﺷﺎﻋﺮ " ﺭﺍﺿﻲ ﻋﻨﻚ ﺳﻮ ﺭﺿﺎﻳﺎ "

ﺍﺗﺼﻞ ﺍﻟﺸﺎﻋﺮ ﻋﻠﻰ ﻭﺍﻟﺪﻩ ﺑﺎﻟﺸﻤﺎﻟﻴﻪ ﻓﻘﺎﻝ ﻟﻪ ﺍﻟﻮﺍﻟﺪ ﻣﻌﺎﺗﺒﺎً ﻟﻤﺎﺫﺍ ﻳﺎ ﻋﻼﺀ ﻟﻢ ﺗﻜﺘﺐ ﻓﻲ ﻛﻤﺎ ﻛﺘﺒﺖ ﻓﻲ ﺃﻣﻚ .. ﻓﻔﺎﺿﺖ ﺩﻣﻮﻉ ﺍﻟﺸﺎﻋﺮ ﻭﻛﺘﺐ

ﻋﺸﺎﻧﻚ ﻳﺎﺑﺎ ﺳﺒﺖ ﺑﻼﺩﻱ ﻭﺍﺗﻐﺮﺏ
ﻭﺍﺗﺤﻤّﻞ ﻣﺂﺳﻲ ﺍﻟﻐﺮﺑﻪ ﺷﺎﻥ ﻳﺎﻳﺎﺑﺎ ﻣﺎ ﺗﺘﻌﺐ
ﻗﻠﺖ ﺍﺷﻴﻞ ﻣﻌﺎﻙ ﺍﻟﻬﻢّ ﺍﻗﺎﺳﻤﻚ ﻓﻲ ﺍﻟﺘﻌﺐ ﻭﺍﺗﻌﺐ
ﻭﻋﺸﺎﻧﻚ ﻳﺎﺑﺎ ﻟﻮ ﺗﺮﺗﺎﺡ ﺃﻗﺎﺳﻲ ﻭﺍﻋﺎﻧﻲ ﻭﺍﺗﻌﺬﺏ
ﻻ ﺗﺸﻴﻞ ﻟﻲّ ﻫﻢّ ﻳﺎﻳﺎﺑﺎ ﻋﺎﺭﻓﻮ ﻗﻠﻴﺒﻚ ﺃﻧﺖ ﻛﻌﺐ ..
ﺳﻌﻴﺪ ﺃﻧﺎ ﻓﻲ ﺍﻟﻌﺬﺍﺏ ﺍﻟﺒﻲ ﻣﺎ ﺩﺍﻡ ﺍﻟﻔﺮﺝ ﻗﺮﺏ
ﻣﻬﻤﺎ ﺷﻘﻴﺖ ﺃﻧﺎ ﻭﻋﺎﻧﻴﺖ ﻭﺍﺗﺤﻤﻠﺖ ﻫﻮﻝ ﻭﺻﻌﺐ
ﻣﻘﺎﺑﻞ ﺑﺴﻤﻪ ﻣﻨﻚ ﻳﺎﺑﺎ ﺍﺭﺗﺎﺡ ﻭﺍﻧﺒﺴﻂ ﻭﺍﻃﺮﺏ
ﻣﻨﻮ ﺍﻟﺰﺭﻉ ﺍﻟﻔﻀﺎﻳﻞ ﻓﻴﻨﺎ ﻟﻲ ﺃﺧﻼﻗﻨﺎ ﻣﻴﻦ ﻫﺬﺏ
ﻣﻨﻮ ﺍﻟﻮﺭﺍﻧﺎ ﻗﻴّﻢ ﺍﻟﺮﻳﺪ ﻭﻳﻮﻡ ﻣﺎ ﺷﺎﻝ ﻋﺼﺎﺗﻮ ﺿﺮﺏ
ﻣﻨﻮ ﺍﻟﻔﺮّﺵ ﺩﺭﻭﺑﻨﺎ ﻭﺭﻭﺩ ﻭﻟﻲ ﻛﻞ ﺍﻟﺒﻌﻴﺪ ﻗﺮﺏ
ﻣﻨﻮ ﺍﻟﻔﻬﻤﻨﺎ ﻣﻌﻨﻰ ﺍﻟﺠﻮﺩ ﻭﻳﻮﻡ ﻣﺎ ﺭﺩّ ﻟﻴﻨﺎ ﻃﻠﺐ
ﻏﻠﺒﻨﻲ ﺃﺭﺩ ﺟﻤﺎﻳﻠﻚ ﻟﻲ ﻭﻟﻤﻪ ﺧﻼﺹ ﻏﻠﺒﺖ ﻛﺘﺐ
ﻗﺼﻴﺪﻩ ﺗﻮﺿﺢ ﺍﻟﻤﻜﻨﻮﻥ ﻋﺴﺎﻫﺎ ﺗﻜﻮﻥ ﺷﻮﻳﻪ ﺃﻧﺴﺐ
ﻛﻴﻔﻦ ﺃﺣﻞ ﺩﻳﻮﻥ ﻣﺮﺩﻭﻣﻪ ﻣﻨﻚ ﻓﻮﻗﻲ ﺑﺎﻷﺭﺩﺏ ...
ﺻﻌﺐ ﺻﻨﻊ ﺍﻟﺠﻤﻴﻞ ﻟﻜﻦ ﻟﻘﻴﺖ ﺣﻔﻆ ﺍﻟﺠﻤﻴﻞ ﺃﺻﻌﺐ
ﻭﺟﻮﺩﻙ ﺑﻴﻨﺎ ﻧﻌﻤﻪ ﻭﺧﻴﺮ ﻣﺪﻓﻖ ﻭﺍﻟﻠﻪ ﻟﻴﻨﺎ ﻭﻫﺐ
ﻛﻠﻤﺎ ﺗﻌﻔﻮ ﺧﻴﺮﻱ ﻳﺰﻳﺪ ﻭﻛﻞ ﻣﺎ ﺗﺮﺿﻰ ﺍﻓﻮﺯ ﻭﺍﻛﺴﺐ
ﻋﻔﻮﻙ ﻳﺎﻳﺎﺑﺎ ﺭﻱ ﻋﻄﺸﺎﻥ ﻋﻔﻮﻙ ﺃﻧﺎ ﻣﻨﻮ ﺩﺍﻳﺮ ﺍﺷﺮﺏ
ﻋﻔﻮﻙ ﻳﺎ ﻳﺎﺑﺎ ﻛﻞ ﻣﺎ ﻳﺰﻳﺪ ﺑﺮﺿﻲ ﺃﻧﺎ ﻓﻲ ﺍﻟﺰﻳﺎﺩﻩ ﺍﺭﻏﺐ
ﻋﻔﻮﻙ ﻟﻲ ﺯﻱ ﺻﺒﺎﺡ ﺍﻟﻌﻴﺪ ﺑﺮﺟﺎ ﻫﻼﻟﻮ ﻭﺍﺗﺮﻏﺐ
ﻋﻔﻮﻙ ﻣﻄﺮ ﺍﻟﺪﺭﺕ ﻳﺮﻭﻳﻨﺎ ﻳﺸﺒﻊ ﻟﻠﻘﻠﻴﺐ ﺍﻟﺼﺐ
ﻋﻔﻮﻙ ﻳﺎ ﻳﺎﺑﺎ ﺩﻓﻘﺔ ﺧﻴﺮ ﺗﺨﺪﺭ ﻓﻲ ﻧﻔﻮﺳﻨﺎ ﺟﺪﺏ
ﻣﻌﻴﻦ ﺭﻳﺪﻙ ﻋﻴﻮﻥ ﺗﻮﺗﻴﻞ ﻻ ﺑﻴﺠﻒ ﻭﻻ ﺑﻴﻨﻀﺐ
ﺍﻧﺪﺍﺡ ﻃﻔّﺎ ﻧﺎﺭ ﺍﻟﺒﻴﻦ ﻭﻓﻮﻕ ﺟﻤﺮ ﺍﻏﺘﺮﺍﺑﻨﺎ ﺳﻜﺐ
ﺭﺿﺎﻙ ﻓﻲ ﺍﻟﺪﻧﻴﺎ ﻧﻮﺭ ﻭﺳﺮﻭﺭ ﻭﺭﺍﺣﺔ ﺑﺎﻝ ﻏﻨﺎ ﻭﻣﻜﺴﺐ
ﻣﻔﺘﺎﺡ ﻟﻲ ﺩﺧﻮﻝ ﺍﻟﺠﻨﻪ ﻣﻐﻼﻕ ﻟﻲ ﺳﻌﻴﺮ ﻭﻟﻬﺐ
ﺷﻮﻕ ﻭﺗﺤﻴﻪ ﻟﻴﻚ ﻳﺎ ﺑﻮﻱ ﻗﺪﺭ ﻣﺎ ﺍﻟﻬﻤﺒﺮﻳﺐ ﻫﺒﻬﺐ
ﻗﺪﺭ ﻣﺎ ﺍﻳﻨﻌﺖ ﺃﺷﺠﺎﺭ ﻭﺷﺎﻟﺖ ﻣﻮﺯ ﻭﺗﻴﻦ ﻭﻋﻨﺐ
ﻗﺪﺭ ﻣﺎ ﺷﺎﻝ ﻧﺨﻴﻠﻨﺎ ﺳﺒﻴﻂ ﻭﻫﺪّﻝ ﺑﻲ ﺟﺮﻳﺪﻭ ﺭﻃﺐ
ﻗﺪﺭ ﻧﺠﻢ ﺍﻟﺴﻤﺎ ﺍﻟﻀﻮّﺍﻱ ﻗﺪﺭ ﻣﺎ ﻳﺴﻄﻊ ﺍﻟﻜﻮﻛﺐ
ﻗﺪﺭ ﻣﺎ ﻣﻮﺟﻪ ﻃﺎﻟﺖ ﻗﻴﻒ ﻗﺪﺭ ﻣﺎ ﻧﻴﻠﻨﺎ ﻓﺎﺽ ﺗﺴﺐ
ﻗﺪﺭ ﻣﺎ ﺍﺳﺒّﺢ ﺍﻟﺨﺎﻟﻖ ﻗﺪﺭ ﻣﺎ ﺍﺗﺮﺩﺩﺕ ﻳﺎ ﺭﺏ

عشانك يابا .......... كلمات علاء الدين عبدالرحيم Coolte12

» ما بنسي ليلة .......... كلمات محمد بشير عتيق
» رباعية الحروف {1} كلمات الطيب عبدالله جبريل
» قاموا زيارة للحرمين ............ كلمات الشيخ البرعي