حرمتنا ظروف

حرمتنا ظروف       ..... كلمات الطيب عبدالله جبريل


ما حسيتي بالجـــــواي تجاهك
ولآ أجبرتك تغيري نحوي إتجاهك
لمتنا قصة ريـد وعهود من فاهك
ليه جاية تقولــــي حرمتنا ظروف
في ضوآحي خديك كانت أحلامي
وحدقات عينيك قاسمتني منامي
كم سهرت اكتب فيها عن هيامي
وليل الغربة قاسي زآد علي ألآمي
وإنتي جاية تقولــي حرمتنا ظروف
نسيتي الدموع الابت مـــــرة تقيف
وكلما مسحتيها ظهـــر وراها نزيف
وأقسمتي ريدتي ليــك مافيها زيف
تاني جاية تقولي حرمتنـــــا ظروف
ظروفك غطيها ما بتشبــــه ظروفي
لا دموعك زي دموعي مـــداد حروفي
ظروفك ما أصعب من القلــــل شوفي
ولا تحكمي علي قلبي من غير تطوفي
وكمان جاية تقولـــــــي حرمتنا ظروف
مشاعر الشعــر فيــك صبيتها صبيب
وأحاسيسي النبيلــة غيرك ما بتصيب
بأعلي صوت حبيبتك لا بالاشارة يا لبيب
وعارفة طول السنين ظنك فيني ما بيخيب
وبرضو كمان جاية تقولي حرمتنا ظروف
ظروف فوق الريد الشايفو حتي المكفوف
ظروف فوق ما سطره يراع من  حروف
ظروف جاية تبدل أمان مستقبلنا خوف
ظروف نتعداها او نقيف معاها صفوف
عشاني أخفيها بدل تقولي حرمتنا ظروف
الليالي المرة عدت بآلآهآت يا جميلة
وغربتي فيها صعاب وليالي طويلة
كم آنسني طيفك وقعد إتونس يا ريلة
حالتي تحنن ومافي حاجة مستحيلة
ويا قساك لما تقولــــي حرمتنا ظروف
الريد الريد حلاوة الدنيا وجمالها التصافي
تعالي نتصافي ونبيـــن للناس الخافي
سر الريد وكثيـــــر الخانو مشي حافي
يلا نصونو ريــــد لا بعــرف قاع لا مرافي
وبالله ما تجي وتقولـــي حرمتني ظروف